Kryeministrja e Serbisë Ana Brnabiç ka bojkotuar foton familjare të samitit të Procesit të Berlinit në Tiranë.
Në përfundim të sesionit të parë të Samitit, liderët e vendeve të Bashkimit Europian dhe Ballkanit Perëndimor, u mblodhën për foton zyrtare të takimit, ndërsa Bërnabiç mungoi.
Shkak dyshohet të ketë qenë prezenca e flamurit të Kosovës.
Kryeministrja serbe nuk pranoi që të ishte pjesë e fotos zyrtare, por u rikthye në momentin kur liderët po ndiqnin performancën e grupeve valltare të minoriteteve në Shqipëri.
Edhe ministri i Jashtëm serb Ivica Daçiç, një javë më parë kur në Tiranë u mbajt takimi i ministrave të Jashtëm të Procesit të Berlinit, refuzoi që të ishte pjesë e fotos zyrtare.
Ndërkohë pjesëmarrësit e tjerë të Samitit u vendosën krah njëri tjetrit dhe ashtu siç mund të shihni edhe në foto, kryeministri Rama qëndron në mes të liderëve dhe krah krahë tij janë presidentja e KE-së, Ursula von der Leyen dhe kancelari i Gjermanisë, Olaf Scholz.
Sakaq, kryeministri i Kosovës Albin Kurti ndodhet në rreshtin e parë, ashtu siç edhe kryeministria e Serbisë, kryeministri i Malit të Zi, Maqedonisë së Veriut dhe Spanjës. /Opinion.al
