Kryeministrja e Italisë, Giorgia Meloni dhe vajza e saj 6-vjeçare kanë marrë kërcënime me vdekje në rrjetet sociale.
Mediat e huaja raportojnë se kërcënimet kanë ardhur nga një 27-vjeçar i papunë, me banim në provincën e Sirakuzës, i cili tashmë po hetohet për dhunim të privatësisë ndaj kryeministres.
“Nëse i heq të ardhurat, do të vras ty dhe vajzën tënde”. “Duhet vdekja e saj dhe e vajzës së saj”. “Vërtetë kujdes, ndalo me këtë gjë të heqjes së të ardhurave bazë përndryshe do të të vras por e kupton?”. Këto janë disa nga mesazhet e raportuara nga llogaria në Twitter e Fratelli d’Italia,
27-vjeçari dyshohet se ka vepruar në një moment zemërimi për mundësinë e humbjes së të ardhurave të nënshtetësisë, subvencionit që kishte marrë për 18 muaj. I riu, i cili nuk duket se ka pasur kontrata pune, në të kaluarën është denoncuar për krime të vogla në lidhje me drogën.
Gjatë kontrollit të kryer nga policia në shtëpinë e tij, 27-vjeçari është shfaqur i habitur, pasi ai nuk mendonte se kishte kryer një krim, por e gjitha kishte qenë një shpërthim zemërimi. Policia postare e Sicilisë Lindore sekuestroi kompjuterin dhe celularin e tij që do t’i nënshtrohet hetimeve të mëtejshme./Opinion.al
