Partia Reforme e kryeministres së Estonisë, Kaja Kallas, siguroi vendin e parë në zgjedhjet parlamentare të së dielës, një rezultat që duhet të sigurojë që Talini të mbetet një nga qeveritë më të vendosura pro-ukrainase në Evropë.
Rezultatet me 98% të votave të numëruara, treguan partinë e ekstremit të djathtë EKRE në vendin e dytë, me 16.1% kundrejt 31.5% për grupin liberal të Kallas, duke reflektuar shqetësimet e disa votuesve për rritjen e kostos së jetesës në vazhdën e pushtimit rus të Ukrainës.
Nëse Kallas arrin të krijojë një koalicion funksional, do të ‘çimentonte’ drejtimin pro-evropian të vendit baltik.
Estonia, një fqinj perëndimor i Rusisë me një popullsi prej 1.3 milionë banorësh, do të qëndrojë gjithashtu në rrugën e duhur për të adoptuar më shumë energji të gjelbër dhe për të vazhduar të pranojë refugjatë nga Ukraina./Opinion.al
