Një grup ushtarakësh kanë organizuar një grusht shteti në Turqi. Mediat e huaja, duke cituar kryeministrin e vendit shkruajnë se grushti i shtetit në Ankara ka dështuar.
Për ngjarjet e fundit që po ndodhin në Stamboll dhe Ankara sapo ka dalë në një konferencë për shtyp, kryeministri i Turqisë, Binali Yildrim.
Kryeministri turk, në një konferencë të jashtëzakonshme ka thënë se grusht shtetin në Turqi tentuan ta realizojnë përkrahësit e Fethullah Gulen.
Ai ka thënë se përgjegjësit e grusht shtetit do ta paguajnë rëndë veprimin e tyre.
Kryeministri turk ndër të tjera ka thënë se shumë shpejt do ta kuptojnë se me çfarë synimi po veprojnë këto grupe.
“Populli jonë të qëndrojë i qetë. Nuk do të lejojmë kurrë që demokracia të cenohet dhe të bëhen veprime në këtë drejtim”, ka thënë ai.
