Kreu i Partisë Demokratike, Sali Berisha ka reaguar pas deklaratës së kryeministrit Edi Rama, i cili tha se nuk përfshihet në drejtimin e Bashkisë Tiranë.
Në një deklaratë për media, Berisha theksoi se nënkryetarja e Bashkisë, Sara Goxhaj, të cilës iu delegua firma nga Veliaj, u dëbua nga institucioni vendor.
Sipas tij, Goxhaj është kërcënuar nga kryeministri Rama.
”Lidhur me pyetjen se kush qeveris bashkinë e Tiranës kjo është e faktuar, është një zonjë që quhet Anuela Ristani, e cila u shkarkuara nga kryetari në qeli i detyrës.
U emëruar një zonjë tjetër e cila u thirr dhe u kërcënua nga Edi Rama në mënyrën më pak dinjitoze, jo vetëm u kërcënua por u dëbua nga puna sepse Erion Veliaj i delegoi firmën si njeriu që i besonte për të kryer veprimet ne vend të kryetarit. Këto akte janë publike, është Rama ai që ka ndërhyrë në mënyrë brutale në shkarkimet dhe emërimet ne Bashkinë Tiranë. Ligji e ndalon në mënyrë kategorike.
Kryeministri nëse ka një mosaprovim ai mund ti adresohet gjykatës por jo të ndërmarr veprim ekzekutim ndaj tij”, tha Berisha.
