Kryeministri Edi Rama të hënën është zyrtarizuar edhe në postin e ministrit të Jashtëm.
Në çelje të sesionit të katërt të legjislaturës së nëntë të Punimeve të Kuvendit, deputetët votuan me 77 vota pro dekretit të Metës për shkarkimin e Ditmir Bushatit nga posti i Ministrit për Europën dhe Punët e Jashtme dhe me 78 vota pro emërimin në vend të tij të kryeministrit Edi Rama. Opozita nuk mori pjesë në votim.
Kreu i qeverisë vendosi ta përfaqësojë vetë këtë dikaster pas refuzimit që Presidenti Meta i bëri emrit të Gent Cakajt të propozuar më herët për këtë post nga Rama./Rel.d/
