Shqipëria vijon të jetë një nga historitë më të suksesshme të turizmit në Europë.
Lajmin e ka dhënë kryeministri Edi Rama përmes një raporti të publikuar në rrjete sociale.
Në raportin e mbledhjes së 71-të të Komisionit për Europën të UN Tourism, vendi ynë shënon një rritje prej 136% të flukseve turistike në krahasim me periudhën para pandemisë.
Rama e cilësoi këtë si një tjetër konfirmim ndërkombëtar për suksesin e modelit shqiptar të turizmit, të ndërtuar mbi vizionin e turizmit të qëndrueshëm, që ishte edhe në qendër të diskutimeve të kësaj mbledhjeje.
Postimi:
Shqipëria kryeson sërish në rritjen e flukseve turistike në Europë, me +136% krahasuar me periudhën para-pandemike .
Raporti u publikua në Baku, Azerbajxhan, gjatë mbledhjes së 71-të të Komisionit për Europën të UN Tourism, ku Shqipëria mori pjesë si anëtare me të drejta të plota.
Një tjetër konfirmim ndërkombëtar për suksesin e modelit shqiptar të turizmit, i mbështetur në vizionin e turizmit të qëndrueshëm, që ishte edhe fokusi i diskutimeve gjatë mbledhjes së #CEU si pjesë e Deklaratës së Bakusë dhe Shqipëria ishte aty, jo vetëm për të dëgjuar, por për të ndarë eksperiencën e saj si një histori suksesi që frymëzon.
