Kryeministri Edi Rama paraditen e sotme gjatë një takimi me prindërit në qytetin e Vlorës mbi problematikën e arsimit në vend, deklaroi se ka shumë drejtues shkollash që nuk janë në nivelin e duhur të detyrës.
Rama tha se janë evidentuar shumë drejtues shkollash të cilët kanë nivel shumë më të ulët se sa të mësuesve që ata drejtojnë.
Në lidhje me gjendjen në fjalë, ai u shpreh se këta drejtor shkollash do të zëvendësohen nga ata mësues që kanë dalë më të mirët në testimin kombëtar të mësuesit.
Sipas tij, 300 mësuesit që kanë dalë më të mirët, do thirren për të drejtuar këto shkolla që kanë nevojë për një drejtim profesional.
Kryeministri deklaroi se për të përmirësuar gjendjen e shkollave në vend, është menduar të hapet një shkollë e posaçme vetëm për drejtorë shkollash.
Ai tregoi se kjo nuk është një shpikje e kësaj qeverie, por një praktikë që shumë vende të tjera e aplikojnë.
Rama tha se përmes testimit, literaturës profesionale, krediteve të marra, shpresojmë të ndërtojmë një brez profesionistësh të aftë për të marrë në dorë profesionalisht drejtimin e shkollave në Shqipëri.
Kryeministri deklaroi se neswr nuk do guxojw askush mw tw heqw mwsues apo drejtues tw talentuar pwr shkak tw bindjeve apo preferencave partiake.
Kryeministri Edi Rama ka mbledhur për dy ditë (të premten dhe të shtunën) qeverinë në Vlorë . Mbledhja vjen në vijim të porosisë së Ramës për ta zhvendosur qeverinë në rrethe. Ministrat do të kenë disa aktivitete në institucione me deputetët e zonës.
Kryeministri Edi Rama ka njoftuar më herët se qeveria do të zhvilloje çdo muaj mbledhjen në një prej qarqeve të vendit, ndërsa të njëjtën proçedurë edhe ministrat çdo muaj do të zhvillojnë takime me banorët e secilit qark për t’u njohur me problematikat e qytetarëve./Opinion.al/
