Kryeministri i Greqisë, Kyriakos Mitsotakis ka zhvilluar ditën e sotme një bisedë telefonike me Kryepeshkopin e ri të Tiranës, Durrësit dhe gjithë Shqipërisë.
Përmes një postimi në “X”, Mitsotakis shkruan se e ka uruar Joan Pelushi për përzgjedhjen e tij në krye të Kishës Orthodhokse Autoqefale të Shqipërisë.
Sipas kryeministrit grek, Kisha e Shqipërisë është një pikë uniteti dhe mirëkuptimi reciprok mes dy popujve.
“Ne do të vazhdojmë të punojmë drejt këtij qëllimi, duke nderuar kujtimin dhe veprën e të bekuarit Anastas”, shkruan kryeministri grek.
“Kam kontaktuar Fortlumturinë e Tij Kryepeshkopin e Tiranës, Durrësit dhe Gjithë Shqipërisë Ioannis dhe e përgëzova për zgjedhjen.
Besimi ynë i përbashkët është se Kisha e Shqipërisë është një pikë uniteti dhe mirëkuptimi reciprok mes dy popujve. Ne do të vazhdojmë të punojmë drejt këtij qëllimi, duke nderuar kujtimin dhe veprën e të bekuarit Anastas”, ka bërë më dije Mitsotakis.
Zgjedhja e Kryepeshkopit Joan u bë nga Sinodi i Shenjtë i Kishës Ortodokse, pas Liturgjisë Hyjnore të së dielës, 16 mars, që për besimtarët ortodoksë përkon me të dielën e dytë të Kreshmës.
