Kryeministri izraelit Naftali Bennett u takua me presidentin rus Vladimir Putin në Kremlin të shtunën për të diskutuar krizën në Ukrainë, tha zëdhënësi i tij, cituar nga Reuters.
Izraeli, shtëpia e një popullsie të konsiderueshme emigrantësh rusë, ka ofruar të ndërmjetësojë në konfliktin midis Rusisë dhe Ukrainës, megjithëse zyrtarët më parë kanë minimizuar pritshmëritë për një përparim. Ndërsa Izraeli, një aleat i ngushtë i Shteteve të Bashkuara, ka dënuar pushtimin rus, ka shprehur solidaritetin me Kievin dhe ka dërguar ndihma humanitare në Ukrainë, ai ka thënë se do të mbajë komunikimet me Moskën me shpresën për të ndihmuar në lehtësimin e krizës.
Izraeli është gjithashtu i ndërgjegjshëm për mbështetjen ushtarake të Moskës për presidentin Bashar al-Assad në Sirinë fqinje, ku Izraeli sulmon rregullisht objektivat ushtarake iraniane dhe të Hezbollahut. Kontaktet me Moskën parandalojnë që forcat ruse dhe izraelite të shkëmbejnë zjarr aksidentalisht.
Bennett besimtar hebre, e mori këtë fluturim në kundërshtim me ligjin e Shabatit, sepse judaizmi e lejon këtë kur qëllimi është ruajtja e jetës njerëzore, tha zëdhënësi i tij./Opinion.al
