Kryeministri i Italisë, Giuseppe Conte ka mbërritur ditën e sotme në Tiranë. Ai u prit në një ceremoni zyrtare në pallatin e Brigadave nga kryeministri Rama, ndërsa më pas pritet një konferencë e përbashkët për mediat.
Vizita e Conte po zhvillohet në të njëjtën kohë, kur Këshilli Europian po diskuton për çeljen e negociatave me vendin tonë.
Mësohet se po sot Kryeministri i Italisë, Giuseppe Conte do të takohet edhe me presidentin Ilir Meta në orën 17.30 në Presidencë. Më pas, ai do t’i drejtohet selisë së PD, ku do të zhvillojë edhe një takim me kreun e PD, Lulzim Basha.
Kujtojmë se Italia është një nga shtetet e cila ka mbështetur fortë hapjen e negociatave të Shqipërisë me Bashkimin Europian./ Opinion.al E.Xh.
