Menjëherë pasi kryeministri i Kosovës i rriti rrogën vetes në masën 100 për qind, nga 1550 euro në 2950 euro, me justifikimin se nuk i dilte rroga për veshje dhe kravata, një grup donatorësh kanë menduar që ditën e martë të çojnë një donacion në ndihmë të kryeministrit Haradinaj. Në këtë donacion bëhet fjalë kryesisht për kravata të mbledhura në kuadër të një “aksioni humanitar”, nismë kjo e Kushtrim Mehmetit, Vetëm pak ditë më parë kryeministri Ramush Haradinaj, pasi firmosi vendimin për rritjen e rrogës së tij, të stafit dhe të kabinetit qeveritar, tha se po e ndërrmerrte këtë veprim se kishte nevojë për të blerë këmisha dhe kravata pasi i duhej të ishte sa më i paraqitshëm në në tryezën me bashkëbisesduesit ndërkombëtarë. Ndërkohë sot Kushtrim Mehmeti ka pozuar përballë pakos me 204 kravata duke informuar se nësër në mesditë do ja dorëzojë personalisht kryeministrit Haradinaj.
