Kryeministri pakistanez Imran Khan është zotuar të luftojë vendimin e Indisë për të revokuar autonominë e rajonit të Kashmirit të administruar nga India, deri në Këshillin e Sigurimit të OKB.
Khan tha që masa ishte në kundërshtim me ligjin ndërkombëtar, duke shtuar se ai kishte frikë nga spastrimi etnik nga India.
Ai tha se heqja e statusit të veçantë do t’i lejojë Indisë të ndryshojë përbërjen demografike të shtetit me shumicë myslimane.
“Kam frikë se ata tani do të kryejnë spastrim etnik në Kashmir,” tha Khan dhe shtoi se “India do të përpiqen të largojnë banorët e zonës dhe të sjellin të tjerët dhe t’i bëjnë ata shumicë, në mënyrë që vendasit të bëhen skllevër.”
Rajoni mbetet i mbyllur, një ditë pasi India njoftoi këtë veprim.
Rajoni Himalayan i Kashmirit pretendohet në tërësi nga India dhe Pakistani, por secili vend kontrollon vetëm një pjesë të tij.
Ekziston një kryengritje e gjatë për ndarje nga ana indiane, e cila ka çuar në mijëra vdekje gjatë tre dekadave. India akuzon Pakistanin për përkrahjen e kryengritësve – një akuzë që Pakistani e mohon, duke thënë se ajo jep vetëm mbështetje morale dhe diplomatike për popullsinë e Kashmirit që kërkon vetëvendosje.
Më parë, shefi i ushtrisë së Pakistanit tha që trupat e tij ishin pranë Kashmirit në “luftën e tyre të drejtë”.
Kina fqinje gjithashtu ka shprehur kundërshtim ndaj masës indiane, duke e përshkruar atë si “të papranueshme”. /Opinion.al
