Bota

Kryeministri i Izraelit zotohet se do të vazhdojë sulmet ajrore në Gaza


Bëhu pjesë e Grupit Zyrtar të Opinion.al
>> KËTU <<
               Publikuar në : 09:34 - 16/05/21 |
Opi Nion

Kryeministri izraelit Benjamin Netanyahu është zotuar se do të vazhdojë të përgjigjet me forcë ndaj sulmeve me raketa teksa konflikti me palestinezët në Gaza hyn në ditën e shtatë.

Sulmet ajrore izraelite në Gaza vranë të paktën tre palestinezë herët të Dielën, thanë zyrtarët shëndetësorë.

Siaps BBC, militantët palestinezë qëlluan me raketa drejt Tel Aviv, duke bërë që njerëzit të braktisnin banesat.

Ndërsa Komuniteti ndërkombëtar ka bërë thirrje për t’i dhënë fund konfliktit të përshkallëzuar.

Në një fjalim televiziv të shtunën vonë, Netanyahu tha se grevat do të vazhdonin për “për aq kohë sa ishte e nevojshme” dhe se gjithçka që ishte e mundur po bëhej për të kufizuar viktimat civile.

“Izraeli nuk do ta tolerojë këtë. Izraeli është përgjigjur me forcë këtyre sulmeve dhe ne do të vazhdojmë të përgjigjemi me forcë derisa siguria e popullit tonë të rivendoset”,  shtoi ai.

Ai akuzoi Hamasin për “kryerjen e një krimi të dyfishtë lufte” duke synuar civilët izraelitë dhe duke përdorur civilët palestinezë “si mburoja njerëzore”.

Komentet e tij u pasuan me një përshkallëzim dramatik të konfliktit gjatë ditës së djeshme, me Izraelin që bombardoi shtëpinë e një komandanti të lartë të Hamasit dhe shkatërroi një ndërtesë që strehonte mediat ndërkombëtare, përfshirë Associated Press.

Kjo u pasua nga një breshëri e re raketash të Hamas-it.

Java e dhunës vdekjeprurëse u nis nga një sulm me raketa i Hamasit në Jeruzalem, pas javësh tensionesh në rritje dhe masave të ashpra izraelite në Jeruzalemin e kontestuar.

Që nga ajo kohë, Hamas-i ka qëlluar me më shumë se 2.000 raketa, megjithëse shumica kanë rënë ose janë përgjuar nga mbrojtjet anti-raketore.

Aeroplanët e luftës dhe artileria e Izraelit kanë goditur qindra objektiva përreth Gazës, ku jetojnë rreth dy milionë palestinezë./Opinion.al

 

Pas