Kryeministri i Kosovës, Ramush Haradinaj është ankuar se Serbia po bën ‘presion dhe shantazh’, për të bindur serbët etnikë që të dorëhiqen nga Forcat e Sigurisë së Kosovës.
Kryeministri Haradinaj tha të enjten se për arsye të ‘presionit dhe shantazhit’ ndaj anëtarëve serbë të FSK-së, shumë prej tyre janë dorëhequr nga shërbimi, por pa saktësuar numrin e të larguarve.
Forcat e Sigurimit të Kosovës (FSK), kanë nevojë për një mandat kushtetues për t’u kthyer në një ushtri legjitime, por një gjë e tillë nuk mund të realizohet pa miratimin e pakicës serbe.
Kosova shpalli pavarësinë ndaj Beogradit në vitin 2008, ndërsa 9 vjet më parë NATO kishte ndërhyrë për të ndaluar një betejë të përgjakshme të serbëve ndaj popullit kosovar.
Kryeministri Haradinaj është shprehur se e konsideron si të padrejtë dhe të pakuptimtë presionin e Beogradit.
Pavarësisht negociatave 7-vjeçare të BE-së ndërmjet Prishtinës dhe Beogradit, tensionet mes tyre mbeten të larta.
