Kryeministri Edi Rama tha të martën se Partia Demokratike duhet të votojë Vettingun në Parlament, në mënyrë që të futet në zgjedhjet e 18 qershorit, teksa afati për regjistrimin e kandidatëve në KQZ ka skaduar.
“Ne ata nuk duam t’i lëmë pa zgjedhje. Nuk duam t’i lëmë pa alternativë, nuk duam t’i lëmë jetimë, pa asnjë shpresë për të qenë të përfaqësuar. Prandaj kemi bërë dhe do të bëjmë çmos deri në sekondën e fundit që arsyeja të triumfojë mbi frikën nga drejtësia dhe që ata të kthehen në rrugën normale të popullit dhe të vijnë në zgjedhjet e 18 qershorit. Po sigurisht, që të vijnë në zgjedhje me 18 qershorit në radhë të parë duhet të kalojnë nga kuvendi të votojnë Vettiungun. Nëse nuk votojnë Vettingun nuk kemi se si i ndihmojmë, po votuan Vettingun atëherë i mirëpresim me 18 qershor”, tha Kryeministri Rama në një takim me votuesit për herë të parë në Elbasan.
Rama tha se erdhën s’erdhën ata, është detyrua jonë, detyra juaj është që të mirëpresim këto bashkëmoshatarë dhe bashkëmoshatare që do të vijë me ne.
Sepse sipas tij “nëse ka sot një parti që qenien e vet e ka të lidhur me dashurinë për Shqipërinë, kjo quhet Partia Socialiste e Shqipërisë.”
“Nëse ka një forcë që bën shtet, kjo quhet Partia Socialiste e Shqipërisë, prandaj mos lini asnjë demokrat që të rrijë me kokën varur, mos lini askënd pa i thënë fjalën e mirë, dhe t’i thoni se nuk duam të bëjmë shtet për vete. Ne duam të bëjmë shtetin shqiptar me dinjitet.”
