Kryeministri britanik, Boris Johnson deklaroi se më përpara “do të vdiste në hendek” sesa t’i kërkonte Bashkimit Evropian shtyrjen e datës për largim të Britanisë nga Bashkimi Evropian.
Sidoqoftë, kryeministri britanik nuk tregoi nëse do të japë dorëheqjen apo jo në rast se Brexiti shtyhet përtej 31 tetorit.
Johnson ka thënë se do të përgatitet për t’u larguar nga BE-ja edhe pa marrëveshje, ndërsa laburistët e kundërshtojnë duke argumentuar se Brexiti pa marrëveshje nuk duhet të jetë prioritet.
Gjatë fjalimit të tij, kryeministri britanik ka përsëritur thirrjen për zgjedhje, të cilat planifikon t’i mbajë më 15 tetor. Ai ka thënë se kjo është mënyra e vetme për të lëvizur gjërat për Brexit.
Johnson shtoi gjithashtu se e urren që të merret me Brexit, teksa akuzoi deputetët se kanë dëmtuar rëndë pozicionin e Britanisë kundrejt BE-së, kur kanë votuar projektligjin e laburistëve që bllokon një largim të Britanisë nga BE-ja pa marrëveshje më 31 tetor./Opinion.al
