Kryeministri i Britanisë së Madhe, Keir Starmer ka vizituar Portin e Durrësit, nga ku u prit nga Ministri i Brendshëm i Shqipërisë, Ervin Hoxha.
Në të parën vizitë zyrtare në Shqipëri, mësohet se Hoxha dhe Starmer kanë parë nga afër masat konkrete e kontrollet kufitare në Portin e rëndësishëm të Durrësit.
Hoxha thekson se dy vendet kanë ndërtuar një histori suksesi siç e cilëson ministri, në menaxhimin e migracionit të paligjshëm.
“Së bashku me Britaninë e Madhe kemi ndërtuar histori suksesi, në menaxhimin e migracionit të paligjshëm.
Fola me Kryeministrin Starmer mbi rezultatet e konferencës së fundit që u mbajt në Londër ku mora pjesë si përfaqësues i palës shqiptare.
Me Anglinë kemi ndërtuar një bashkëpunim të fortë dhe efikas. Ndihma e tyre ka ndikuar në rritjen e kapaciteteve tona policore. Tashmë kemi oficerë të Policisë së Shtetit që punojnë në skuadra të përbashkëta hetimore me Policinë britanike.
Ndajmë bindjen se rezultatet mbresëlënëse kundër migracionit të paligjshëm do t’i zgjerojmë edhe në fushën e luftës kundër krimit të organizuar”, shprehet Hoxha.
