Kryeministri britanik, Boris Johnson, u përfshi në një aksident rrugor. Ngjarja ndodhi pak sekonda pasi ai doli nga godina e Parlamentit këtë të mërkurë.
Automjeti i tij, tip Jaguar, po ecte drejt “Downing Street”, kur një grup protestuesish i kaluan para, duke detyruar shoferin të frenonte me shpejtësi.
Me sa duket, rojet e Johnson, që po ecnin pas me një Range Rover, nuk ishin shumë të vëmendshëm, dhe goditën makinën e kryeministrit, duke shtrembëruar derën e bagazhit.
Zëdhënësi i Johnson konfirmoi se makina ishte ajo e kryeministrit dhe tha se ai ishte në makinë gjatë aksidentit por nuk ishte dëmtuar.
Video e incidentit u shpërnda edhe në rrjetet sociale nga protestuesit që ishin aty pranë./Opinion.al
