Në një editorial, analisti Mero Baze shkruante dje se Lulzim Basha dhe opozita po përpiqet të imponojë jo vetëm kryeministrin që do të pasojë Ramën, por edhe kryetarin e Partisë Socialiste. Për këtë, Baze jepte emrin e Pandeli Majkos, si një personazh i pëlqyeshëm nga Basha dhe pjesa tjetër e opozitës.
Por Ministri i Diasporës ka reaguar nëpërmjet një statusi, duke thënë se nuk pranon të bëhet “delfin”, duke kujtuar se ka qenë kryeministër në moshën 30-vjeçare dhe ka bërë dëzhurn për t’i shërbyer vendit.
“Roli i “delfinit” është një kostum i cili nuk më është përshtatur në politikë. Kam bërë “dezhurn” (sic shkruan Baze) që 30 vjec në zyrën e kryeministrit të Shqipërisë, jo për “fajin” tim. Kam shërbyer, dhe kur kam lënë zyrën, vendi ka qenë më mirë se sa ditën kur e kam marrë detyrën”, shkruan Pandeli Majko.
“Titullin “kryeministër i socialistëve” e konsideroj një nder, të cilin nuk kam ndërmend ta shkëmbej në pazarin e maskave të politikës. Ditët e vështira i konsideroj provë për besimin dhe jo bukshkalësinë. Pena e Meros është e rrallë në gjetjën e dobësive të politikës. Sot, ajo, më bëri të qartë frikën e saj. Kësaj të fundit nuk kam cfarë i bëj. Padyshim, frika e frikacakut të vret ndonjëherë më shumë se trimëria e trimit. Në korridoret e politikë shqiptare i njoh rregullat. Një prej tyre është se “Lajmësi nuk ka faj”! Ai është dezhurni i kohës! Sigurisht!” , vazhdon më tej ai./Opinion.al
