Shumë qytetarë nga Maqedonia e Veriut, e kanë konsideruar si mungesë respekti faktin që qeveria shqiptare nuk shpalli asnjë ditë zie për 44 viktimat që humbën jetën në aksidentin e ndodhur në Bullgari.
Shumica e viktimave ishin shtetas maqedonas me origjinë shqiptare, dhe kjo ka bërë që shqiptarët në Maqedoninë e Veriut të irritohen. Një gjë të tillë e ka shprehur edhe një qytetar në shtetin fqinj, i cili i ka komentuar në llogarinë e “facebook”, të kryeministrit Rama.
Shqiptari i Maqedonisë së Veriut, ka akuzuar Ramën se nuk ka respekt për ta dhe se është një ndër më të painteresuarit.
Komentuesi: Kryeministër as një farë respekti për ne shqiptarët e Maqedonisë, kjo është turpi më i madh në gjithë historinë e kombit shqiptar. Arsyen tregoma dhe je një ndër më të pa interesuarit kjo është turpi më i madh, trego arsyen në qoftë se ke.
Ndërsa kryeministri i është përgjigjur duke thënë se ka reaguar sapo ka marrë lajmin, duke shprehur ngushëllimet.
Rama: Unë i kam shprehur ngushëllimet qysh në mëngjes herët, sapo mora lajmin e keq të tragjedisë, ndërkohë që kam qenë në kontakt të vazhdueshëm me autoritetet e Shkupit për të mësuar se kur e si do të zhvillohet, nëse do të zhvillohet një ceremoni zyrtare lamtumire për viktimat! Kështu që fjalën turp le ta mbajë kush e përdor pa pikë lidhje, ndërsa respektin për shqiptarët e Maqedonisë e kam treguar besoj me vepra jo me dokrra!
Irritimi i shqiptarëve në Maqedoninë e Veriut erdhi pasi Shqipëria nuk shpalli asnjë ditë zie, ndryshe nga se veproi, Kosova, Bullgari dhe vetë qeveria maqedonase./Opinion.al
