“Të të zgjedhë populli, se po nuk do të zgjodhi çfarë do bësh, bëhesh dot me zor pastaj? Nuk bëhesh…” Ishte kjo përgjigjja që ish-ministrja e Integrimit, Majlinda Bregu dha në emisionin “Në kuthin e Piter Pan” kur u pyet nëse donte të bëhej kryeministre. Zonja Bregu po ashtu ka treguar dhe anën tjetër të politikanëve, pas debateve që bëjnë në Kuvend.
“Atje në parlament në fakt, ashtu është zihen, nganjëherë i thuaj edhe gjyshit, mos ta marrë me shumë emocion se bëjnë edhe kot, se nuk zihen gjithmonë prej vërteti. Se po të dalësh tek kafja e parlamentit rrinë të gjithë bashkë. Ata që i shikon të zënë në parlament, kur dalin tek kafja, bëjnë dhe shaka dhe rrinë të gjithë bashkë. Kështu që nuk është ndonjë gjë e jashtëzakonshme, por me të vërtetë unë jam shumë dakord me ty dhe kërkoj ndjesë sepse e kam bërë edhe vetë shpesh herë, me një gjuhë paksa më të vrazhdë se sa duhet”, iu tha zonja Bregu fëmijëve.
Juve jeni dakord që na thotë Edi Rama prezantuesit/gazetarët janë kazanë?
“Unë kam punuar gazetare për disa vite dhe kam shumë miq gazetarë, që janë shumë të mirë. Edhe dinë të shkruajnë mirë, edhe dinë të bëjnë një lajm shumë mirë dhe dinë të jenë të vërtetë. Po ka ca të tjerë, që nuk janë gazetarë, por venë ca si gjoba, edhe ata janë më llum se kazani në fakt. Ka disa që e kanë bërë pis…”/Opinion.al
