Jashtë dyerve të parlamentit, Kryetarja e LSI, Monika Kryemadhi ka dhënë një prononcim për mediat, ku ka folur për vendimin e Gjykatës Kushtetuese, e cila vendosi që të mos shkarkohet Ilir Meta nga posti i Presidentit të Republikës.
“Dëshirë kisha që Meta të kthehej në politikë në habitatin e tij, vendimin e Gjyaktës Kushtetuese e prisja në mars, lëvizja i ka dhënë fund zëdhënsave të Ramës që është me bravën. Unë e kam thënë që kostumi i LSI Ilir Metës i rri shumë i ngushtë tashmë, është më shumë se LSI’- tha Kryemadhi.
Më tej Kryemadhi deklaroi se LSI s’merr pjesë në zgjedhje e pjesshme të 6 Marsit, por i ka krijuar një teknikalitet Berishës pasi skema e primareve sipas saj duhet vlerësuar nga të gjitha partitë politike.
“LSI s’merr pjesë në zgjedhje e pjesshme të 6 Marsit. I ka krijuar një teknikalitet Berishës dhe Rithemelimit. Skema e primareve duhet vlerësuar nga të gjitha partitë politike. LSI nuk është pjesë e kësaj, do u bëjmë thirrje të gjithë mbështetësve e suportuesve që të votojnë kandidatët. Janë zgjedhje lokale dhe kanë të bëjnë me jetën e tyre, jo me jetën politike. Premtim Kryemadhin nuk e kam takuar ndonjëherë, por nëse është nga Dibra është fisi im. Qenka treguar burrë me mend, që ka thënë se është nga fisi im. Dibranët shquhen për nuhatje, edhe për zgjedhjen e duhur”, tha Kryemadhi.
