Kryetarja e LSI, Monika Krymadhi ka zhvilluar ditën e sotme një takim me drejtorin e ri për Europën Qendrore e Jugore në Departamentin Amerikan të Shtetit, David Kostelancik.
Kryemadhi është shprehur gjatë takimit se zgjedhjet duhet të zhvillohen sa më parë, pasi sipas saj, kjo është e vetmja rrugë për integrimin europian të Shqipërisë.
Gjithashtu kryetarja e LSI, ka vlerësuar mbështetjen amerikane ndaj Shqipërisë, duke theksuar forcimin e marrëdhënieve.
“Shqipëria ka nevojë kritike për hapjen e negociatave në tetor. Hapja e negociatave është e kushtëzuar vetëm me zgjedhje të lira e të ndershme. Për këtë arsye, zgjedhjet duhet të zhvillohen sa më parë dhe me standarte, pasi kjo është e vetmja rrugë për integrimin europian të Shqipërisë”, u shpreh kryetarja e LSI Monika Kryemadhi në lidhje me krizën aktuale politike e institucionale që ka përfshirë vendin./ Opinion.al E.Xh.
