Politikë

Kryemadhi: Zyrtari i BE pranoi se për pesë vite është gënjyer nga qeveria


               Publikuar në : 21:39 - 09/10/19 |
Opi Nion

Kryetarja e LSI, Monika Kryemadhi ka folur në lidhje me situatën politike në Shqipërisë si dhe për procesin e integrimit të vendit në Bashkimin Europian.

Në një intervistë për “Syri TV”, Kryemadhi është shprehur se për 5 vite Bashkimi Europian është gënjyer nga raportet e njerëzve të tyre të cilët ishin në Tiranë.

Kryetarja e LSI i është referuar një bisede që ajo ka bërë me një nga zyrtarët të BE, i cili sipas saj, ka pranuar se është mashtruar nga qeveria “Rama” dhe se i ka kërkuar një dosje më të dhëna në lidhje me situatën në Shqipëri.

“Një ndërkombëtar më tha: Zonjë e dashur, këto që thua ti janë shumë të drejta. Më jep një material dhe një dosje. Mos prit që unë për 5 vite të kem mbyllur sytë më raportet që më ka sjellë delegacioni i BE. Më ka thënë që për 5 vite është gënjyer nga raportet e njerëzve të tij. Më ka thënë që të mos pretendoj që të hedhë njerëzit e tij poshtë dhe të më mbajë mua. Tani ç’të bëjmë që ta përmirësojmë më tha?”-tha Kryemadhi.

Duke komentuar djegien e mandateve dhe duke theksuar se opozita e bashkuar nuk është penduar për këtë vendim të saj, Kryemadhi në emisionin e gazetarit Cim Peka u shpreh se ata që morën mandatet janë shitur dhe kërcënuar për shkak të problemeve me drejtësinë.

Ndërkohë, Kryemadhi ka folur dhe për deputetët e opozitës së re të cilët erdhën nga listat e PD dhe LSI pas djegies së mandateve. Kryetarja i ka cilësuar qelbësira deputetët e rinj të cilët pranuan mandatin, ndërsa thekson se ata janë persona të shitur.

“Kanë djegur 182 deputetë mandatet dhe kanë hyrë 17 qelbësira, që njëri shitet me dosjet e SHIK-ut, njëri shitet me dosje terroriste, tjetri me emër të dytë narkomani, tjetri me familjarin që ka në burg, tjetri me drogën, tjetri me korrupsionin, tjetri me tenderat etj. Dhe ky është faji ynë. Dhe çfarë ndodh, njëri me Vettingun e mamit, tjetri me Vettingun e babit, një tjetër sjell një trafikant aty dhe ne nuk merremi më këtë po merremi pse u dogjën mandatet. Shumë mirë bëmë që dogjëm mandatet dhe ishte gjëja më e mirë”-tha Kryemadhi./ Opinion.al E.Xh.

Pas