Kryemadhi sjell rastin konkret: E ka fituar statusin e të varfërit, por me zero lekë

Kryetarja e LSI, Monika Kryemadhi mori fjalën në Parlament në mocionin për debat që opozita po zhvillon me kryeministrin Rama. Ajo tha se Rama i urren të varfërit dhe mungesa e fondeve është pretekst pasi po mendon për koncesionin e radhës.
Më tej ajo solli një rast konkret. “Më ndaloi një zotëri në hyrje të parlamentit. Nga veshja dhe rradhët e syve dukej i lodhur dhe me halle. Më tha se i kam drejtuar leter kryeministrit, deputeti të zonës,etj. Pago Shegani është aty tek trau i parlamentit dhe sistemin e pikëzimit nuk di as Ministrja ta shpjegojë. Ai më tha se kam fituar pikët, pra i është njohur statusi si i varfër, por është fitues me zero lekë”, theksoi ajo.