Kryetarja e LSI, Monika Kryemadhi, ka zhvilluar një takim me strukturat e LSI në Shkodër, ku ka sulmuar kryeministrin Edi Rama, lidhur me mbrojtjen që po i bën ish-ministrit Saimir Tahiri, akuzuar për lidhje me bandat kriminale në trafikun e drogës.
Kryemadhi tha se “Rama është kthyer në një lolo televizionesh. Rama duhet të dorëzojë lolon dhe të lërë drejtësinë të bëj punën e saj. LSI-ja është e vendosur të demaskojë këtë kryeministër lolo dhe të gjithë zinxhirin kriminal, një kryeministër në ikje i frikësuar.
Nga frika Rama censuroi në televizione, aktivitetin madhështor për Azem Hajdarin.
Gjendja e varfërisë dhe e papunësisë në Shqipëri është alarmante. Qindra mijëra familje jetojnë me më pak se 2 dollarë në ditë. Qeveria mendon më shumë për oligarkët, se per qytetarët dhe të rinjtë e papunë. Qeveria u zhvati 70 milionë euro qytetarëve për t’ua dhënë oligarkëve. Me këto para do të ishin financuar 70. 000 vende të reja pune,” theksoi Kryetarja e LSI.
