Kryetarja e LSI, Monika Kryemadhi tha sot se Kryeministri Rama i zënë nga paniku kërkon të frikësojë dhe intimidojë prokurorinë. Ajo tha se opozita do të dalë me vendim të konsoliduar për aksionin që do ndërmarrë.
“Drejtësia po përballet sot jo vetëm me kriminelët por edhe KM që është khyer në falangë të krimit të organizuar. Ai e ka kthyer Këshillin e Mandateve në një gjykatë politike, duke dhunuar kushtetutën në mbështetëse të krimit.
Rama shantazhon drejtësinë. Edi Rama po lë shqiptarët në duart e kriminelëve dhe po u hap trafikantëve autostrada të reja. Fjala e tij sot ishte një dëshmi publike jo e qendrimit të një kryeministri por e pazarit të kriminelëve. Fjala e tij sot një dëshmi për ta kthyer drejtësinë në një zgjatim të krimit. Kryeministri i përfshirë nga frika kërkoi ti mbyllë gojë Prokurorisë. I bëjmë thirrje prokurorisë të mos intimidohet por të vazhdojë hetimet për Tahirin dhe gjithë të tjerët”, u shpreh kryetarja e LSI.
E pyetur se çfarë do të bëjë opozita, ajo tha: PD aktualisht ka mbledhur grupin e saj parlamentar dhe ne (LSI) e mbledh në orën 13:00. Do të kemi veprime të koordinuara dhe të institucionalizuara, sqaroi Kryemadhi për mediat. /Opinion.al
