Në LSI, veç përgatitjes së protestave po merren dhe me përgatitjen për zgjedhje të parakohshme. Nga Roskoveci, Monika Kryemadhi tha se zgjedhjet e parakohshme do të zhvillohen në fund të muajit maj.
“Do të ketë zgjedhje të parakohshme politike. Në çdo qendër votimi, fillojmë që sot, për të ngritur grupet e punës, pasi ditët ikin shumë shpejt. Edi Ramën do të rrëzojnë socialistët e tij, ne do ta shtyjmë. Duhet të rrezojmë Ramën sepse shqiptarët meritojnë më shumë. Nuk kemi nevojë për një lider psikopat. Situata politike është shumë e tensionuar, por shpresa e lirisë është shumë afër. Mos u kërcënoni, një popull i tërë e fshin një njeri”, tha zonja Kryemadhi.
Megjithatë edhe këtë të shtunë kryetarja e LSI nuk pati asnjë koment për ftesën e Ramës për dialog, që i bëri Lulzim Bashës si dhe pranimin e mandatit të deputetit nga 4 kandidatët në listat pritëse të kësaj partie./ Opinion.al
