Zv/kryetarja e LSI, Monika Kryemadhi e cilëson qesharake kërkën e Lulzim Bashës për dorëheqjen e Edi Ramës dhe emërimin e një kryeministri teknik.
E ftuar në “5 pyetjet nga Babaramo”, Kryemadhi tha se se Rama është kryeministri i zgjedhur nga një Parlament legjitim i votëbesuar nga qytetarët në zgjedhjet e qershorit 2013.
Kryemadhi tha me ironi se kërkesa e Bashës është njësoj sikur ajo të kërkojë largimin e tij dhe rikthimin e Berishës, ose ndryshe nuk do të hyjë në zgjedhje.
“Mua më duket qesharake. Dhe unë them që Basha të ikë nga PD dhe të vijë Sali Berisha, se unë s’hyj në zgjedhje. Edi Rama dhe Ilir Meta u votuan për të qeverisur në 21013-ën deri në qershor 2017. Basha ka pasur në tryezë shumë propozime siç janë mandatet e LSI për të qeverisur. Këto janë argumentime që prodhojnë konflikt. Rama është kryeministri i vendit dhe i dalë nga një Parlament legjitim”, tha ajo.
