Kryetarja e Lëvizjes Socialiste për Integrim, Monika Kryemadhi deklaroi se buka e shqiptarëve është më e rëndësishme se karriget e kryebashkiakëve dhe deputetëve. Ajo cilësoi se Rama përfaqëson minorancën dhe se kjo gjë është pasqyruar në raportin e ODHIR-it.
Kryemadhi shtoi se këto 30 qershori nuk ka prodhuar kryetarë bashkish legjitim pasi data e zgjedhjeve është 13 tetori. Megjithatë ajo tha se deri atëherë ka ngjarje shumë më të mira për shqiptarët.
E pyetur në lidhje me protestën e të hënës ajo deklaroi se do të jetë paqësore sic kanë qenë edhe protestat e tjera.
“Kapja e sistemit dhe çdo institucion nuk mund të jetë jetëgjatë, protesta e së hënës do të jetë si gjithë të tjerat, paqësore, provokatorët e Ramës dhe Lleshajt nuk mund të provokojnë më shqiptarët dhe opozitën.
30 Qershori tregoi se Rama është minoraca e minorancës, edhe në raportin e ODHIR-it e keni që ishin votime. Nëse mendoni se varfëria dhe kapja e shtetit dhe çdo gjë tjetër që Rama mendon të vendosë karriget e disa njerëzve, unë mendoj shqiptarëve t’u japim atë që meritojnë, punë dhe taksa të ulëta, kjo është më e rëndësishme se karrigia e disa kryetarëve të bashkive dhe ish-deputetëve.
30 qershori është ilegjitim. Kemi një dekret të Presidentit. Kemi 13 Tetorin një datë të re zgjedhjesh dhe nuk kemi parë asnjë ankimim nga PS-ja as në gjykatat e PS-së as në kushtetuese. Unë mendoj ka shumë ngjarje të tjera që do të jenë shumë më të mira për shqiptarët, që kërkojnë bukë. Nuk diskutojmë çështjet e zyrave. Kryebashkiakët janë legjitime deri kur të bëhen zgjedhjet e 13 tetorit” deklaroi Monika Kryemadhi. /Opinion.al
