Deputetja e PL, Monika Kryemadhi ka folur lidhur me protestën kombëtare të zhvilluar në Tiranë më 12 nëntor.
Në emisionin “Opinion”, Kryemadhi tha se protesta e dha mesazhin e saj, duke treguar se qytetarët janë kundër qeverisë “Rama”.
Deputetja tha se problemi në Shqipëri nuk është Ilir Meta apo Sali Berisha, por kryeministri Edi Rama, i cili sipas saj, ka rritur çmimet e karburanteve apo të produkteve ushqimore.
“Nuk mendoj se problemi është Berisha Meta apo kush është në krye të opozitës. Problemi sot është rritja e çmimeve, prindërit protestonin në Tiranë, fëmijët protestonin në Angli. Ekonomia po rrënohet gjithmonë e më shumë. Rama është mjeshtër i manipulimit të opinionit. Shqiptarëve nuk iu bëhet vonë se çfarë po bën Berisha po Meta, por sa janë të ardhurat e tyre në xhep”,-tha Kryemadhi./ Opinion.al
