Kryetarja e LSI, Monika Kryemadhi është shprehur se përveç “184” dhe “339” ku flitej për blerje votash në zgjedhje, do ketë dhe një dosje për 30 qershorin.
Kryemadhi e bërë këtë deklaratë gjatë takimit me strukturat e Lëvizjes Socialiste për Integrim. Kryemadhi shtoi se zgjedhjet e 30 qershorit i dhanë fund vizionit të kryeministrit Edi Rama për ta kthyer Shqipërinë në një vend monistë.
“30 qershori ishte fundi i të gjithë psikologjisë dhe vizionit të tij për ta kthyer Shqipërinë në një vend monist. Sot kemi një raport të ODIHR, që thotë se në zgjedhje një parti u regjistrua në mënyrë të jashtëligjshme. Dosja “184” dhe “339” do kenë bashkëudhëtare edhe dosjen 30 qershori. Se Rama nuk ndejti dot pa futur dorën tek kutia, procesverbali, gjithë procesi zgjedhor”,- tha Kryemadhi./ Opinion.al E.Xh.
