Deputetja e Partisë së Lirisë, Monika Kryemadhi është paraqitur ditën e sotme në Prokurorinë e Posaçme.
Kryemadhi u paraqit në ambientet e SPAK në zbatimit të vendimit të GJKKO-së që ka caktuar ndaj saj masën e sigurisë “detyrim paraqitje”.
Sipas vendimit, Kryemadhi duhet të paraqitet të hënën e parë të çdo muaji. Siç shihet edhe nga pamjet, ajo ka mbërritur në SPAK me një pako të madhe në duar.
Kujtojmë se Kryemadhi po hetohet nga SPAK për tre akuza pastrim parash, korrupsion dhe mosdeklarim pasurish në lidhje me dosjen e CEZ DIA dhe lobimin e LSI-së në SHBA.
