Kreu i LSI-së, Monika Kryemadhi, të dielën, nga Skrapari u shpreh se vendi do të shkojë në zgjedhje parlamentare, të cilat do të mbahen në një ditë me zgjedhjet lokale.
Kryemadhi u bëri thirrje qytetarëve të dalin në rrugë me synimin për të rrëzuar kryeministrin Rama, pasi mandatet që zotëron në Kuvend i ka siguruar përmes pazareve të ndryshme.
Kryemadhi: Një qeveri që rrit taksat nuk meriton të qeverisë. Nuk do të janë zgjedhje lokale, por edhe zgjedhje të përgjithshme, sepse shqiptarët nuk do të pranojnë të qeverisen nga një qeveri e cila ka grabitur mandatet në parlament dhe i ka të blera. Nga Brukseli dëgjojmë një rrufe në qiell të hapur, dëgjojmë se si komisioneri Hahn shprehet se “Rama ka mbajtur peng reformat”. Kemi përballë një sfidë : Të Rrëzojmë Edi Ramën. Kudo që shkel, dëgjoj se edhe socialistë të ndershëm që janë të mërzitur me Rilindjen. Kur nuk ka socialist të ndershëm që suporton këtë njeri, tani duhet thënë se kushtet janë pjekur. Do të dalim në rrugë dhe do ta rrëzojmë Edi Ramën.
