Kryetarja e Lëvizjes Socialiste për Integrim, Monika Kryemadhi ka qenë në një takim me strukturat drejtuese të LSI në Lushnje për zgjedhjet e pjesshme vendore të 6 marsit.
Takimi është bërë në kuadër të zgjedhjeve të 6 marsit, ku kandidatët e LSI kanë dalë nga Primaret e zhvilluara nga Komisioni i Rithemelimit të PD më 30 janar.
Në një postim në rrjetet sociale, Kryemadhi iu drejtohet qytetarëve të Lushnjes duke thënë se 6 marsi është momenti për t’i dhënë vetes, familjes, fëmijëve dhe Lushnjes, një kryetar bashkie që i nënshtrohet vullnetit të tyre dhe jo interesave klienteliste të qeverisë apo bandave.
“Struktura drejtuese e LSI Lushnje më energjike se kurrë për 6 Marsin. Lushnja e qytetarëve meriton një shans të ri. Tani është momenti juaj, për ti dhënë vetes, familjes, fëmijëve e qytetit tuaj, një kryetar bashkie që i nënshtrohet vullnetit tuaj dhe jo interesave klienteliste të qeverisë apo bandave. 6 Marsi është dita për Lushnjen, shtëpinë tuaj!”-ka shkruar Kryemadhi./Opinion.al
