Kryetarja e LSI-së, Monika Kryemadhi, ka reaguar në lidhje me vendimin për shtyrjen e negociatve për Shqipërinë.
Përmes një postimi në rrjetet sociale, Kryemadhi shprehet se sot Bashkimi Europian dha sinjalin se me porsa kohë Edi Rama është kryeministër negociatat nuk do të hapen.
Kryetarja e LSI-së u ka bërë thirrje të gjithë qytetarëve që të marrin pjesë në protestën e e opozitës më 21 qershorit.
Reagimi i Kryemadhit
Shpresat për çeljen e negociatave me Shqipërinë u shuan edhe këtë qershor! Bashkimi Evropian dha sinjalin më të fortë se perspektiva europiane me Edi Ramën dhe qeverinë e tij është e pamundur.
Largimi i Ramës dhe çlirimi i sistemit nga diktatura e krimit, është e vetmja rrugë për Shqipërinë dhe shqiptarët! Ne jemi të vendosur në kauzën tonë, për themelin e demokracisë, për zgjedhje të lira dhe të ndershme. Jemi të vendosur në anën e drejtë të historisë në luftën pa kompromis me krimin e organizuar dhe krijimin e një Shqipërie me mundësi të barabarta dhe liri ekonomike, që shqiptarët ta ndërtojnë jetën këtu, në shtëpinë e tyre!
Sot është koha për një bashkim kombëtar! Të gjithë bashkë në 21 Qershor për Shqipërinë si gjithë Evropa.
Asnjë hap pas!/ Opinion.al E.Xh.
