Kreu i LSI-së, Monika Kryemadhi, të enjten, u ka bërë thirrje institucioneve shtetërore që të marrin në mbrojtje Xhisela Malokun, vajza e cila ka denoncuar për përdhunim dhe dhunim djalin e deputetit të PS, Rrahman Rraja.
Pjesë nga fjala e Kryemadhit:
Do të ishte e rëndë që ngjarja të mos hetohet, i bëj thirrje prokurorisë dhe segmentet e shtetit që ndihen të pa inkriminuara, për të gjithë situatën që është përfshirë sot vendi, të marrin në mbrojtje Xhisela Malokun.
Tre herë ka denoncuar dhe tre herë e ka tërhequr, e frikësuar dhe e dhunuar. Dhe më e tmerrshmja ishte ky rast i intervistës… do ishte një rast i mirë nga prokuroria për të hetuar se kush ishin personat që e detyruan dhe e shoqëruan që të japë atë intervistë.
Nuk më bën çudi Taulant Balla në këtë ngjarje, ai duhet të sqarojë pozicionin në këtë histori, të tregojë nëse qëndron apo jo, që djali i deputetit të PS, jo vetëm që ka kryer këtë vepër, por që është dhe në kërkim nga policia. Djali i deputetit është edhe ligji edhe maliqi.
Mjaft të kërkoni emrin e djalit të deputetit socialist dhe do të shihni që është me precedent penal…
Ky është rasti që nuk ka përfunduar me snajper në lule të ballit, por që e kanë detyruar të dalë në një intervistë dhe të mohojë rastin.
Bëj thirrje që Xhisela të merret në mbrojtje.
