Në të parën dalje të saj për mediat si kryetare e Lëvizjes Socialiste për Integrim, Monika Kryemadhi është ndalur në mënyrë të veçantë tek zgjedhja e Kryeprokurorit, duke u shprehur se ka ende politikanë që duan të përdorin në interesin e tyre reformën në drejtësi. E pyetur nga mediat nëse sipas saj ka ardhur koha që Presidenti Meta të thërrasë në një tryezë kreret e 3 partive politike kryesore lidhur me reformën në drejtësi, Kryemadhi u shpreh:
“Te them te drejten kam nja 12 ditë që s’e kam parë Metën dhe për reformën, s’kam folur se nuk më intereson fare çfarë bën presidenti për reformën, kushtetuta ia ka hequr të drejtën të merret me këtë gjë, kjo është një sjellje e klasës politike, që duhet të ndryshojë sjelljen e saj së pari mazhoranca”.
