Kryetarja e LSI Monika Kryemadhi, ndërsa pohoi se nuk do të kërkojë një mandat tjetër në krye të partisë, nuk përjashtoi mundësinë e vendosjes së Ilir Metës në drejtimin e kësaj force politike. E ftuar në emisionin “Opinion”, Kryemadhi e komentoi çështje date, mbajtjen e konventës kombëtare vetëm një ditë pas largimit të Metës nga presidenca, por e pyetur nëse ai mund të rekuperonte LSI-në, ajo tha që Meta është në gjendje të rekuperojë të gjithë opozitarizmin.
Pjesë nga intervista
Fatjona Mejdini: Zonja Kryemadhi a keni frikë se Ilir Meta do ju zërë vendin?
Kryemadhi: Nuk është çështje e zënies së vendit. 25 Korriku është një konventë duhej bërë që në Dhjetor, por nuk u bë prej pandemisë. Pas zgjedhjeve të 25 Prillit ne nuk dolëm atje ku donim dhe normal që na duhej një analizë, sepse duam apo nuk duam ka largime, blerje apo intimidime të njerëzve që kanë qenë pjesë e LSI, që tashmë janë kthyer në LSI apo duan të jenë kontribues.
Konventa do të jetë për të zgjedhur strukturat drejtuese të partisë, çështja e kryetarit, ka kohë . Unë kam thënë që nuk do kandidoj sërish sepse i kam bërë dy mandate.
Fevziu: Përsë është lënë konventa një ditë pasi Ilir Meta largohet nga Presidenca?
Kryemadhi: Mund të jetë edhe çështje koinçidence. Është çështje date.
Fevziu: Keni folur për Metën përtej LSI.
Kryemadhi: Kur Meta u largua e ka lënë LSI me 19 mandate, sot LSI është me 4 mandate. Ne sot kemi grupe me 5 mijë vota dh e ke LSI me 107 mijë vota. Ndërkohë ke struktura politike me 30 mijë vota që kanë 3 mandate.
LSI e pret me dashuri dhe padurim Ilir Metën. Çështja është a i bën LSI kostumit të Ilir Metës?
Mejdini: A e rekuperon Meta këtë situatë?
Kryemadhi: Ilir Meta rekuperon gjithë situatën e opozitarizimit në Shqipëri. Jam e bindur që në komunikimin e tij politik e njerëzor është përtej….
Fevziu: Mund të komunikojë edhe me zotin Alibeaj?
Kryemadhi: Po pse jo, është politikani me më pa komplekse.
