Kryetarja e LSI Monika Kryemadhi është shprehur e keqardhur që nuk i ka besuar bashkëshortit të saj Ilir Meta, teksa i kishte thënë që të mos i besonte Bashës.
Ndërkohë në vijim të bisedës së saj në “Opinion”, Kryemadhi paralajmëroi ato që i quajti gratë pranë Lulzim Bashës, që të kenë kujdes dhe të mos përmendin emrin e LSI.
Pjesë nga biseda
Kryemadhi: Më vjen keq qe nuk e besova kur më tha: Mos i beso Lul Bashës se Lul Bashës nuk i ka besuar as gruaja e vet që nuk e ka votuar asnjëherë.
Nuk dua të merrem me gratë por ja them çdo gruaje që rri me Lul Bashën të kenë kujdes kur përmendin emrsin e LSI në tavolina, sepse emri i LSI si në Skrapar, si me pamje nga deti si me pamje nga mali, do ju dali në ëndërr.
Fevziu: Për cilat gra e ke fjalën?
Kryemadhi: Gratë që rrinë me Lul Bashën thashë e kuptojnë vetë, gra ose burra qofshin. Të mos merren me LSI se po u mor LSI me ta e dinë vetë se ku shkojnë./Opinion.al
