Kryetarja e Lëvizjes Socialiste për Integrim, Monika Kryemadhi foli për mediat pas takimit me dyer të mbyllura të aleatëve të opozitës.
Ajo konfirmoi vendimin e arritur mes palëve për të shtrirë aksionin opozitar në të gjithë territorin i cili do të konsistojë në takimin e qytetarëve. Kryemadhi nënvizoi se opozita është duke përgatitur një platformë për rifuqizimin e ekonomisë shqiptare, të biznesit të vogël, të biznesit të mesëm të cilat sipas saj sot janë në ditët më të vështira.
Por kryetarja e LSI u ndal edhe tek tryeza e Reformës Zgjedhore. Ajo theksoi se ditën e nesërme nuk do të takohet Këshilli Politik i kësaj tryeze por grupi i punës.
“Dua të bëjë një sqarim se përveçse, nesër është grupi i punës i këshillit politik. këshilli politik përbëhet nga 10 vetë, 5 nga opozita jashtëparlamentare 5 i ka parlamenti. Grupi i punës përbëhet nga 4 vetë, që bëjnë përgatitjen e materialeve. Ta sqarojmë këtë se nuk e kuptojnë, edhe ambasadorët se bëjnë gafa diplomatike. nesër është takimi i radhë për t’u përgatitur me punët që janë lënë në harresë. Ne jemi shumë të qartë dhe të vendosur që reforma zgjedhore që është kushti i parë duhet në mënyrë urgjente të mbarojë. Mbyllja e reformës çon vendin drejt një zgjidhjeje që janë zgjedhjet e reja. Se janë dy miratimi dhe implementimi”, tha ajo./ Opinion.al
