Kryetarja e LSI-së, Monika Kryemadhi, mbrëmjen e sotme, ka akuzuar kryeministrin Edi Rama se ka bërë presion dhe ka kërcënuar ambasadorët.
Gjatë një emisioni televiziv në News 24, ndërsa diskutohej mbi rolin e ambasadorëve në Shqipëri, kryemadhi iu përgjigj pyetjes se sa mbështesin dy ambasadorët, respektivisht i BE-së dhe SHBA-së, kryeministrin Rama, kryemadhi theksoi:
“Ka pasur raste që e kanë mbështetur, ata janë në presionin e Ramës dhe do ishte më mirë të mbështetin Ramën në një media shqiptare se sa të marrin një letër kërcënuese të kryeministrit të Shqipërisë drejt shefit të tyre. Edi Rama i ka kërcënuar të gjithë ambasadorët e huaj këtu me vendet e punës së tyre”.
