Deputetja e Partisë së Lirisë, Monika Kryemadhi dha një deklaratë për mediat pas marrjes në pyetje nga SPAK.
Kryemadhi u shpreh se dorëzoi në SPAK fatura të tjera që, sipas saj kanë të bëjnë me grabitjen për inceneratorin e Elbasanit. Deputetja e PL-së akuzoi qeverinë se nga një projekt prej 22 milionë eurosh janë grabitur me fatura fiktive dhe fryrje punimesh 1.7 miliardë lekë.
“Unë sot jam thirrur në Prokurorinë e Posaçme si kallëzuese kryesore e inceneratorit të Elbasanit për të verifikuar të gjithë dokumentacionin dhe për të dorëzuar prova të tjera që i shtohen inceneratorit të Elbasanit. Është shumë e rëndësishme që një nga arsyet kryesore për të cilat ky proces i verifikimit dhe hetimtit të dosjeve të inceneratorit nuk është thjesht çështja e një individi, por e sistemit që ka funksionuar në administrimin dhe grabitjen e qytetarëve. Sot paraqita prova të tjera për vjedhjen e inceneratorit të Elbasanit. I kam kërkuar SPAK që siç është Lefter Koka dhe komisioni i vlerësimit të ofertave edhe Sekretari i Përgjithshëm i Këshillit të Ministrave zoti Agaçi, i cili është në shkelje të nënshkrimit të një kontrate të paligjshme duke hartuar një vendim qeverie 907 që ka të bëjë me financimin e një kontrate të paligjshme. Në bazë të ligjit për organizmin e ligjit të Këshillit të Ministrave, Sekretari i Përgjithshëm harton rendin e ditës në konsultim me kryeministrin, pasi bien dakord duke parë ligjshmërinë dhe kushtetueshmërinë e akteve, miratohen në Këshillin e Ministrave. Dorëzova fatura të tjera që kanë të bëjnë me grabitjen vetëm për inceneratorin e Elbasanit. Nga një projekt i financuar prej 22 milionë eurosh nga qeveria shqiptare 7.1 miliardë lekë janë grabitur me fatura fiktive dhe fryrje punimesh”, tha Kryemadhi./Opinion.al
