Kryetarja e LSI, Monika Kryemadhi ka mbështetur qëndrimin e kreut të PD Lulzim Basha për të luftuar krimin në vend.
Kryemadhi është shprehur e gatshme të bashkëpunojë me PD-në dhe Lulzim Bashën për interesin e qytetarëve siç e quajti ajo, ndaj qeverisë e cila është bërë njësh me krimin. “Pavarësisht ndasive dhe pikëpamjeve politike ne do të bëhemi bashkë me PD kundër krimit, bandave dhe lidhjes së tij me qeverinë. Mbështes qëndrimin e kryetarit të PD-së, Lulzim Basha, për një tryezë të gjerë politike që do t’i përgjigjet me një aksion intensiv dhe politik, por edhe të pakompromis luftën ndaj bandave dhe krimit në pushtet” , u shpreh Kryemadhi.
Monika Kryemadhi tha se Saimir Tahiri është vetëm një nga hallkat që lidh kryeministrin Rama me krimin dhe se do t’i bashkohet PD-së në tryezën e thirrur të partive ditën e mërkurë për aksion të përbashkët kundërbandave dhe krimit në pushtet.
“Saimir Tahiri është një nga hallkat që lidh Edi Ramën me krimin e organizuar, por ka ende edhe shumë hallka të tjera të cilat lidhin Edi Ramën, Kryeministrin e Shqipërisë me krimin e organizuar. Janë hallkant e krimit dhe trafikantëve, por janë edhe hallka të oligarkëve, të cilët me bekimin e Edi Ramës, pastrojnë paratë e bandave, krimit të organizuar dhe trafikantëve.” /Opinion.al
