Kryetari i bashkisë së Krujës, Artur Bushi ndodhet në prokurori.
Ai është thirrur për tu pyetur lidhur me hetimet për çështjen “Xhisiela”.
Bushi është kallëzuar nga Emiliano Nuhu për kërcënim.
Nuhu, në denoncimin e tij, e ka përmendur emrin e Artur Bushit, si një nga personat që kishte qenë në zyrën e Komisariatit të policisë së Fushë Krujës kur ishte kërcënuar për të mbyllur dosjen e djalit të deputetit socialist, Rrahman Rraja.
Vetë Bushi në prononcime pas denoncimit e ka mohuar, ndërkohë dje gjykata e Apelit vendosi të mos ndryshojë masën e sigurisë ‘arrest me burg” për Rexhep Rrajën, i akuzuar për përndjekje.
