Banorë të shumtë të Krujës janë paraqitur në spitalin e qytetit për të marrë ndihmën e parë mjekësore pasi janë kontaminuar nga ndotja e ujit të pijshëm. Sipas raportimeve nga ky qytet, mësohet se të prekur kanë mbetur banorë të lagjies “Derede Dollak”, të cilët kanë konsumuar ujë të ndotur, çka ka çuar në marrjen e baktereve dhe përkeqësimin e gjendjes shëndetësore.
Ndotja e ujit thuhet se është marrë nga çarja e tubacioneve dhe më pas përzierja e tij me fekalet.
Lajmi konfirmiohet nga shefi i Inspektoriatit Mjedisor në drejtorinë e Shëndetit Publik të Krujës, Durim Kulli, i cili ka pohuar se uji është ndotur nga bakteri Escherichia-Coli, e njohur ndryshe si Sarmonela.
“Sinjalizimin e parë e kemi marrë para 4 ditësh. Menjëherë kemi bërë analizat e ujit të pijshëm. Ku kemi konstatuar se uji është ndotur nga bakteri i Sarmonelës”, tha inspektori Kulli
