Emisioni ‘Opinion’ edhe këtë javë ka trajtuar një sërë zhvillimesh që vijnë nga aktualiteti.
Java ka nisur me ngjarjet nga kronika e zezë: “Kush e vuri tritolin në Shkodër”, ishte emisioni në të cilin u trajtuan të gjitha ngjarjet që mbërthyen vendin ato ditë; vrasjet në Vlorë, tritoli në Shkodër apo vjedhja e bankes në Tiranë. Sa i përket audiencës ky ka qenë ndër emisionet më të ndjekur në kohën prime-time në atë natë, me një maksimum që arriti në 45.5% dhe mesataren e audiencës në 33.6%.
Ditën e martë (16 janar 2018) vëmendja e publikut u përqendrua në ngjarjen e ekzekutimit të liderit serb në Kosovë Oliver Ivanoviç. Me një panel me gazetarë dhe analistë e po ashtu lidhje direkte nga Beogradi emisioni “Opinion” arriti të mbaj përpara ekranit vëmendjen e audiencës; 39.6%mesatarja e audiencës dhe maksimalja 46.3%, duke shënuar kështu emisionin “Opinion” më të ndjekur të javës.
Dita e mërkurë në 17 janar 2018, përkonte me 550 vjetorin e vdekjes të Heroit tonë Kombëtar Gjergj Kastriot Skënderbeut: Në ‘Opinion’ erdhën “Historitë e Skënderbeut” me të ftuar studiuesin Aurel Plasari, mesatarja e audiencës ishte 26.8% ndërsa maksimalja 31.8%.
Ditën e enjte emisioni ju dedikua garës në Federatën Shqiptare të Futbollit dhe dy kandidatëve Armando Duka dhe Bashkim Fino: Në këtë emision audienca maksimale ishte 30.5% ndërsa ajo mesatare 26.5%, dhe ky ishte emisionin më pak i ndjekur Opinion këtë javë./G.Z-Opinion.al
