Mbi 600 turistë kanë mbërritur mëngjesin e sotëm në Portin e Durrësit, me kroçerën “Seven Seas Voyager”, e cila po realizon një tur javor në Mesdhe.
Pas mbërritjes në port, sipas Autoritetit Portual Durrës, turistët janë nisur me autobusë të agjencive turistike vendase kryesisht drejt qyteteve të Krujës, Tiranës dhe Beratit, ndërsa një grup tjetër do të vizitojë gjatë ditës qytetin e Durrësit dhe sitet e tij arkeologjike dhe historike.
Kroçera, një prej më të mëdhave që është ndalur në Durrës, ka lundruar gjatë natës nga Korfuzi, ndërsa mbrëmjen e sotme pritet të vijojë itinerarin e saj drejt Malit të Zi.
450 prej turistëve janë amerikanë, ndërsa pjesa tjetër janë brazilianë, kanadezë, australianë, etj.
