Kroacia ka konfirmuar rastin e parë me koronavirus. Lajmi u bë i ditur nga kryeministri kroat, Andrei Plenkovíc, i cili njoftoi se një i ri nga Zagrebi ka rezultuar pozitiv nga virusi.
“Pacienti është në spitalin e Zagrebit duke u kuruar tek reparti i sëmundjeve infektive. Bëhet fjalë për një person në moshë të re, i cili është i izoluar dhe për momentin është në kushte të mira shëndetësore.”, tha kreu i qeverisë kroate, në një konferencë për shtyp.
Ministri i Shëndetësisë kroate, Vili Beros sqaroi më tej se pacienti ishte kthyer nga Milano, ku kishte qëndruar nga 19 shkurti deri me 21 shkurt. /Opinion.al
